أم نقط .........
قرر أن يتنزه قليلا
سار الي أحد الحدائق القريبة
ووصل الي منطقة كثيفة الأشجار
وصوت العصافير يتناغم في موسيقى جميلة
وصوت العصافير يتناغم في موسيقى جميلة
واشعة الشمس تتسلل فرادى بين اغصان الشجر
فقرر ان يجلس قليلا في هذه المنطقة
جلس على الارض وسط الزرع لبعض الوقت
ثم قرر ان يستكمل المسير
فوقف .. ثم اخذ يفكر هنيهة
ثم جلس مرة اخرى
ثم وقف
ثم جلس
ثم وقف
ثم وقف
ثم جلس
ثم وقف
ثم اخذ يفكر مرة اخرى.. ثم استكمل المسير
وفي طريقه
ودون أن يشعر
ودون أن ينظر أو يلتفت
تعثر في حجر
فوقع
Comments
طبعا أنا عارف قصدك ايه عشان انت قولتهالي قبل كده و أنا متفق معاك في المضمون تماما
و استناني اليومين اللي جايين احتمال أنزل بوست مهم
سلام ياعم الغامض اللي متخفي في نظارة
من الرد اللي فات يبدو ان الموضوع حقيقي
********
عندنا في الطب حاجه اسمها التشخيص المقارن
يعني ايه الاحتمالات في حاجه زي دي
بلاش احسن تطلع واسعه
خليها ليك انت لو عايز تقول
بس ربنا يصلحلك الأحوال
كنا ناقصين احنا غموض ان شاء الله
لما نشوف ىخرتها ايه معاك
قال ايه قام ثم قعد ثم وقع
ثم احنا ضغطنا قد ارتفع
(-:
وعلام اعتقد ان الحجر هو اللي غلطان
لكن بصراحة مفهمتهاش أوى
بس أنا عامة بحب الحاجات الغامضة إللى بتحمل أكتر من تفسير
لكن إيه علاقة العنوان بالقصة
على فكرة لحضرتك عندى فى المدونة هدية
وفهمت معنى وصلى
جزاكم الله خيرا عليه
ربنا يسلمك يا استاذ اسلام .. وانا هبقى حسن الظن .. وهظن أنك فعلا بتطمن عليا .. ومتخليش اللي في بالي يشمت فيا .. بالتوفيق
ربنا يخليك يا حبيب .. والحجر ملوش دعوة خالص والله .. بالتوفيق
عشان انت قلت موضوع الغموض أول واحد .. فعلى فكرة اينشتاين بيقول .. احساس الغموض هو مصدر الالهام والفن .. بس حبيت اقولهالك
وايه تاني ياشاهن شاه
قول قول وفضفض يا بني ...شكلك تعبان اوي
حبة جد بقي
علي فكرة التفسيراو المعني اللي انت قلته لو انا فهمته صح يعني
ماظنش انك ممكن تعبر عنه كده بمنتهي البساطه دي -في وجهة نظري يعني_ا
لان الموضوع ده_ الانسان مخير ام مسير_ محتاج مناقشه صريحه وواضحه
وانا مظنش انك تقصد المعني الحرفي ده_اتمني كده يعني_فياريت توضح اكتر ياشاهنشي
لا بجد زى ما قال أستاذنا الكبير اوى إسلام ألف سلامة يا هندسة
-واخد بالك من استاذنا الكبير دى يا استاذ إسلام اى خدمة علشان تعرف مين اللى بقيلك ومين اللى قريب هيروح العباسية-
ألف سلامة يا هندسة وشيل موضوع الشماتة ده من بالك
اللهم لا شماتة يارب
(-:
حبة جد بقى لاحسن حد يفتكرنى غلط زى ابن الاسكندرية، انا اعدت قراءة القصة بعد توضيحك، وفكرنى الموضوع ده بموضوع ميكروباص التيسير بتاع ا.مجدى
بس انا عندى قناعة ما دمت باسأل هذا الشيئ لونه أبيض ولا أسود، يبقى اكيد هوا حاجة من اتنين إما هو احيانا أبيض وأحيانا أسود أو انه بين البينين ولونه رمادى
كذا الإنسان مخير أم مسير؟؟
أكيد زى ما وائل بيقول الموضوع اكبر من كده بكتير ومحتاج تفاصيل.
طبعا ده وائل بتاع الصح والغلط كله
وبتحمل أكتر من معنى
ودي أجمل حاجة
اما عن المعنى فلقد شغلنى لبعض الوقت منذ فترة وبدأت فى البحث حول ما يثبت عندى تلك النقطة وتستقر لدى تماما لانها بتفرق جدا فى موقفنا من الحياة وسعينا فيها
متفقة على اننا مسيرين ومخيرين فى نفس الوقت ويشرح هذه الجملة اكثر ما كتبه الامام الغزالى فى كتابه المحاور الخمسة للقران فيقول:
"ان البشر جنس محكوم ومختار فى ان واحد..انه محكوم بالامكانات التى فى كيانه والملابسات التى من حوله ومختار فى موقفه من هذه وتلك"
بس طبعا المعني في بطنك
عفوا اقصد يعني بطن الشاعر
انا فهمت انه لو كان اخذ قراره دون تردد لم يكن لتعثر وكان وظف تلك الطاقة التي استهلكها في التردد كان وظفها في متابعه الطريق وتركيزة الذي فقده
هذا والله اعلم
اعتقد ان الحل لمؤاخذة هو فتح بطنك لمعرفة المعني
انا قريت الموضوع من أسبوع تقريباً
وقعدت اكتب تعليق وبعدين مسحته
بص يا احمد انا حاسس بيك أوي
ومش عارف انا فعلاً وصلت للي انت عايزه ولا لأ بس تقريباً وصلتله
وهاقولك شوية نصائح للشيخ علي القرني يمكن تفيدك:ـ
لا تعش في المثاليات بل عش واقعك فأنت تريد من الناس مالا تستطيعه فكن عادلاً
تيقن أن كل من تعاملهم من أخ وصديق وقريب لا يخلو من عيب فوطن نفسك على تقبل الجميع
لا تتأثر بالقول القبيح والكلام السيء الذي يقال فيك فإنه يؤذي قائله ولا يؤذيك
لا تحطمك التوافه ولا تعط المسألة أكبر من حجمها واحذر من تهويل الأمور والمبالغة في الأحداث
خايف اكون تقلت عليك ومش عارف الكلام ده في الصميم ولا لأ
بس اللي أكيد في الصميم إني حاسس بيك وهادعيلك
أنا دلوقتي في الشغل
ووقت البريك دلوقتي
فقلت أرفه عن نفسي وادخل أشوف آخر المدونات
فقلت خير اللهم اجعله خير لما قريت مدونتك
وكنت همشي خلاص
بس اني ألاقي
ناس مبسوطة أوي
وآالله ومعاني تطلع وتنزل
ووائل يفتي وجعلي يؤكد
لا طبعا
ياريت المدونة الجاية تشرح انا دماغي
مش ناقصة تفكير جوا الشغل وبرا كمان
سلامات يا جميل
في حد قاله يتمشى
ارجع يا شاهين ماتعملش في نفسك كده
مصر محتاجالك يابني
وبعدين يا جعلي انت وسباعي ماتجبوش في سيرتي وانتوا بتعلقوا والا موش هيحصل كويس
هاها حلو اوي موضوع البريك بتاعك ده يا سباعي
وياتري طعمه حلو علي كده ؟؟؟
انا شخصيا بحبه مع الشاي بلبن موووت
الوقعة مالهاش أومة
استرها معانا يا رب
ده احنا غلابا
ولكم عندى رحلة لرفح
http://yalaya3mlak.blogspot.com/2007/12/blog-post.html
أنا والله مفيش حاجة لا في بطني ولا في رجلي .. بس حلو اوي الجانب الل انت استشفيته من القصة ..الحسم وعدم التردد .. جزاكم الله خير .. واكيد برده المعنى في بطن الشاعر .. بالتوفيق
معلش يا احمد يظهر اننا هتني تعبك على طول .. حتى في وقت البريك .. انا والله مقصدش خالص يا باشا .. على العموم في وقت البرك متخشش على المدونة تاني .. على الرغم انك بتشرفنا بزيارتك .. جزاكم الله خير .. بالتوفيق
بدعوة سيادتكم لافتتاح مقرها بالاسكندرية
مركز ضحايا
للاستشارات القانونية والتأهيل النفسى
مع مفاجأة الافتتاح
محاضرة يلقيها الناشط الحقوقى
الاستاذ / اسلام لطفى "المحامى "ا
بعنوان (مبادىء واساسيات حقوق الانسان )ا
وذلك يوم الجمعة الموافق 14/12/2007 فى تمام الساعة الواحدة ظهرا
العنوان :- 9ش مسجد الايمان متفرع من شارع اسكندر ابراهيم خلف جزارة الزهيرى - ميامى - الاسكندرية
ت:- 5484897 - 0166885063
تشغيل المخ
أظن الكلام ينطبق عليك مليون الميه ياباشمهندس..بس المسألة كانت صعبة المرة دى
على فكرة: دى أول زيارة لى وسبت لك كومنت على البوست الأولانى ياريت تقراه وتجاوب سؤالى
فقد اجمعت واوجزت
فما كتبته ليس سوي قصه اي شخص تائه
فالشخص الذي اراد ان يتنزه مثله مثل اي فرد آخر نوي فعل اي عمل كان
ومع انه في البدايه خطط جيدا فانتقي حديقه غنيه باشجارها غنائه بعصافيرها الا انه تفكيره تاه في منتصف الطريق ونسي نيته فقام مره وجلس اخري وبين جلوسه ووقوفه شتت تركيزه لذا فانه من الطبيعي ان يتعثر حتي وان لم يكن هنالك حجر فان سقوطه امر حتمي
فهذه هي سنه الحياه فما ان ينسي الشخص منا هدفه ويتشتت تفكيره فانه وبكل تاكيد يتعثر...
________________________________
جزيت كل خير وفي انتظار قصص اخري موجزه